КАНУН – традыцыйаная
абрадавая страва, з якой пачыналі памінкі. Называлася таксама канон.
Яе гатавалі так: у разбаўленую мёдам ваду (сыту) крышылі спецыяльна спечаны прэсны
корж,
гарачыкі (
галушкі з прэснага цеста), булку ці абаранкі (паводле народных вераванняў мёд ужывалі для таго, каб памерламу было «соладка на тым свеце»). На Чэрвеншчыне ў канун дадавалі цёрты мак. Першую лыжку адлівалі для нябожчыка. Затым удзельнікі жалобнага стала чэрпалі адну або тры лыжкі кануну з агульнай міскі, перадаючы яе па чарзе адзін аднаму, пасля чаго міску прыбіралі, тушылі памінальную свечку і працягвалі памінкі.