МАСАЛЯНСКАЯ КАПЛІЦА УНЕБАЎЗЯЦЦЯ НАЙСВЯЦЕЙШАЙ ДЗЕВЫ МАРЫІГалоўная »
МАСАЛЯНСКАЯ КАПЛІЦА УНЕБАЎЗЯЦЦЯ НАЙСВЯЦЕЙШАЙ ДЗЕВЫ МАРЫІ размяшчаецца на паўночна-заходняй ускраіне вёскі Масаляны Бераставіцкага раёна Гродзенскай вобласці, на беразе сажалкі насупраць былога палаца Біспінгаў. Пабудавана ў 1915 г., зачынена ў 1939 г., вернута і адбудавана ў 1991 г.
Помнік усходне-экзатычнага накірунку архітэктуры мадэрна. Вырашана прамавугольным у плане аб'ёмам з паўкруглай апсідай, над якой двухсхільны дах пераходзіць у канічны. Фасад вырашаны прамавугольным парталам, фланкіраваным гранёнымі пілонамі са спічастымі шпілямі ў завяршэнні. У канфігурацыі ўваходнага і аконных праёмаў выкарыстана гатычная арка-цюдор.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|