«МИНСКАЯ ГАЗЕТА» – штодзённая грамадска-палітычная газета. Выдавалася з 12 (25) жніўня 1912 г. па 29 лістапада 1918 г. па-руску. Да № 1091 (1915 г.) называлася «Минская газета-копейка». Прыстасоўвалася да ўзроўню сярэдняга правінцыйнага інтэлігента, асвятляла ў тым ліку дзейнасць мясцовага самакіравання, вяла мясцовую хроніку, інфармавала пра тэатральныя і музычныя падзеі ў горадзе.

Змясціла ў перакладзе на рускую мову алегарычнае апавяданне Якуба Коласа «Дудар» (над назваю «Гусляр. Казка Якава Колас», 5 жніўня 1913 г.), агляд мастацка-этнаграфічнай выстаўкі (31 мая 1913 г.).