«НАШ ГОЛАС» — газета рэвалюцыйна-дэмакратычнага кірунку. Выдавалася Беларускай сялянска-работніцкай грамадой на беларускай
мове ў Вільні з 27.01 да 28.02.1927 г.. Выходзіла 2 разы на тыдзень. Адлюстроўвала перыяд рэпрэсіяў польскага ўрада супраць беларускага нацыянальна-вызвольнага руху, выкрывала паклёп на яго арыштаваных прадстаўнікоў, дэпутатаў сейма, інфармавала пра дэманстрацыі ў іх абарону, у т.л. у
Мінску (арт. «Буржуазная маральнасць», «У чым вінавацяць нашых паслоў»). Прапагандавала новую тактычную лінію вызвольнай барацьбы ў перыяд наступлення рэакцыі, устаноўку на актывізацыю культурна-асветнага фронту. Крытыкавала пазіцыю ўрада па пытаннях зямельнай рэформы і асветы.
3 літаратурных твораў надрукавала
вершы М. Васілька, Т. Кляшторнага, С. Галыша, Т. Волі. Змяшчала інфармацыю пра важныя культурныя падзеі ў Заходняй і Савецкай Беларусі. Выдадзеныя 10 нумароў, з іх 1, 2, 4, 8, 10-ы канфіскаваныя. Забароненая польскімі ўладамі.