«НАШ КРАЙ» — грамадска-палітычная і літаратурная газета буржуазна-ліберальнага кірунку. Выдавалася на рускай мове ў Брэсце з 26.02 (10.03) 1912 г. да 13 (26).07 1914 г.

Асвятляла дзейнасць Дзяржаўнай Думы, сацыяльна-эканамічныя пытанні мясцовага жыцця, крытыкавала паасобныя бакі палітыкі царызму, губернскіх уладаў,чарнасоценных арганізацыяў, выкрывала газеты чарнасоценнага кірунку «Северо-Западная жизнь». Падвяргалася судовым пераследам і адміністрацыйным спагнанням. Друкавала творы мясцовых аўтараў (вершы, нарысы, апавяданні, фельетоны, тэатральныя і музычныя рэцэнзіі).