НАВАГРУДСКІЯ ГАНДЛЁВЫЯ РАДЫ — помнік архітэкгуры класіцызму ў горадзе Навагрудак Гродзенскай вобласці. Пабудаваны ў 1812 г. у цэнтры горада на гандлёвай плошчы (цяпер вул. Мінская).


Выцягнуты прамавугольны ў плане мураваны будынак накрыты 2-схільным дахам з трохвугольнымі франтонамі на тарцах і ў цэнтры падоўжаных фасадаў. Галоўны фасад расчлянёны прамавугольнымі аконнымі і дзвярнымі праёмамі. Вакол будынка абходная галерэя, утвораная дарычнай каланадай.

У 1953 г. зменена планіроўка будынка, галоўны фасад абліцаваны керамічнай пліткай. Выкарыстоўваюцца пад гандлёвыя прадпрыемствы.