Пятніца, 16.04.2021, 21:18

НЕРВЮРА, гурт

Галоўная »
НЕРВЮРА (франц. nervure ад лац. nervus жыла, сухажылле), гурт у архітэктуры — арка з ачасаных клінападобных камянёў або цаглінаў, што ўмацоўвае рэбры крыжовага, сеткавага, зорчатага і іншых формаў скляпення.

Нервюры былі пашыраныя ў архітэктуры готыкі, дзе складалі аснову каркаснай канструкцыі перакрыцця, перадаючы нагрузку ад скляпенняў на слупы, патоўшчаныя часткі сценаў, контрфорсы, аркбутаны, лапаткі і інш. У выніку аблегчылася канструкцыя перакрыцця, пашырыліся пралёты, інтэр'ер стаў больш прасторным.

У беларускай архітэктуры XVI — XVII стст. складаны малюнак зорчатых скляпенняў узбагачаў мастацкае вырашэнне інтэр'ера (найбольш цікавыя нервюры ў Мураванкаўскай царкве-крэпасці). Часам выкарыстоўвалі несапраўдныя нервюры, аздобленыя разеткамі і іншымі арнаментальнымі матывамі (Чарнаўчыцкі Траецкі касцёл).

У пабудовах стыляў рэнесансу, барока, класіцызму страцілі сваю мастацкую ролю, аднак захоўваліся як канструкцыйны элемент (у крыжовых і паўцыркульных на распалубках скляпеннях). Дэкаратыўнае значэнне набылі ў архітэктуры несапраўднай готыкі, часам імітаваліся тынкоўкай і стукам (капліца-пахавальня ў в. Закозель Драгічынскага раёна).

Крыніца: «Краязнаўчая газета» № 40 (585) кастрычнік 2015 года
Меню
Відэаканал GantsRegion
Уваход

Пошук
Катэгорыі раздзелу
Публікацыі [252]
Каталог файлаў [100]
Малая краязнаўчая энцыклапедыя [115]
Культура [165]
Адукацыя [20]
Спорт [981]
Здарэнні [272]
Грамадства [317]
Эканоміка [16]
Транспарт [98]
Блог [6]
Падарожнічаем разам [17]
Каляндар
«  Красавік 2021  »
ПанАўтСерЧацПятСубНяд
   1234
567891011
12131415161718
19202122232425
2627282930
Хто тут?
Анлайн усяго: 3
Гасцей: 3
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.