Нядзеля, 17.11.2019, 13:27

НЯМІГА


НЯМІГА – адна з найстаражытных вуліцаў Мінска. Знаходзіцца ў гістарычным цэнтры горада, паміж р. Свіслач і вул. К. Цэткін. Працягласць 1840 м.

Узнікла ў XII ст. як адна з цэнтральных гандлёвых магістраляў, што злучала гандлёвую плошчу перад Менскім замкам (Ніжні рынак) з былым Койданаўскім трактам. У дакументах XVI – XVIII стст. называлася Нямізскай. Назву атрымала ад ракі Нямігі (прыток Свіслачы, у пачатку XX ст. заключаная ў падземны калектар), уздоўж якой вуліца пралягала. У XIX ст. уключала Ніжні і Рыбны рынкі і звязвала гандлёвую плошчу на Траецкай гары з рынкам на былым Раманаўскім прадмесці (раён сучасных вуліц Раманаўская Слабада і Мяснікова).

Да канца XVIII ст. забудова была пераважна драўляная (у 1793 г. існавалі толькі 2 мураваныя дамы), шмат разоў гарэла (асабліва моцны пажар у 1835 г.).

У пачатку XVII ст. на скрыжаванні вуліцаў Няміга і Ракаўскай пабудаваны ансамбль праваслаўнага манастыра з Мінскай Петрапаўлаўскай царквой; у XVIII ст. на Нямізе пабудаваная сінагога (не збераглася). У XIX ст. забудаваная 2 – 3-павярховымі жылымі будынкамі з крамамі, што стваралі суцэльны вулічны фронт, мелі асобныя рысы стылю класіцызму. Спачатку праезная частка вуліцы была вымашчаная драўляным насцілам, у XVII – XVIII стст. забрукаваная каменнем, у пачатку XX ст. заасфальтаваная.

У Вялікую Айчынную вайну ў раёне вуліцы Няміга і Ракаўская было гета.

У пачатку 1970-х гг. старая забудова Нямігі па-варварску знішчаная ў сувязі з рэканструкцыяй транспартнай магістралі вуліц М. Багдановіча – Няміга. Паводле праекта 1976 г. (С. Мусінскі, Г. Каласкова, Г. Басінкевіч) у канцы XX ст. пабудаваны гандлёвы цэнтр «На Нямізе», а таксама – жылыя дамы павышанай паверхавасці, пешаходная эспланада, узнятая над праезнай часткай. На пачатку 2000-х гг. высотнымі будынкамі забудаваная процілеглая частка пачатку вуліцы (пры гэтым былі знесеныя рэшткі старой архітэктуры Нямігі).

Крыніца: «Краязнаўчая газета» № 9 (602) сакавік 2016 г.
Меню
Відэаканал GantsRegion
Уваход

Пошук
Катэгорыі раздзелу
Публікацыі [251]
Каталог файлаў [99]
Малая краязнаўчая энцыклапедыя [115]
Культура [155]
Адукацыя [20]
Спорт [778]
Здарэнні [189]
Грамадства [281]
Эканоміка [12]
Транспарт [86]
Блог [6]
Падарожнічаем разам [14]
Каляндар
«  Лістапад 2019  »
ПанАўтСерЧацПятСубНяд
    123
45678910
11121314151617
18192021222324
252627282930
Хто тут?
Анлайн усяго: 2
Гасцей: 2
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.