Серада, 23.05.2018, 21:25

ПАДАННЕ


ПАДАННЕ — жанр фальклору; вуснае апавяданне, у якім з элементамі меншай ці большай фактычнай сапраўднасці тлумачыліся рэальныя з'явы навакольнага жыцця, расказвалася пра значныя гістарычныя падзеі роднага краю, пра народных герояў. Паданні, як і легенды, блізкія да казак, але вызначаюцца не толькі займальнасцю; у своеасаблівай форме яны неслі людзям веды пра навакольны свет і гісторыю краю.

Беларускія паданні вядомыя з часоў Кіеўскай Русі (пра Рагнеду, Усяслава Чарадзея). Захаваліся летапісныя апавяданні, у аснову якіх пакладзеныя народныя паданні пра воінскія подзвігі герояў, якія абаранялі родную зямлю ад захопнікаў («Паданне пра Кажамяку»). Цікавыя і паэтычныя паданні пра гістарычнае мінулае ў беларускіх хроніках XVI ст., напрыклад, у «Хроніцы Быхаўца» (пра паходы Гедзіміна на Украіну і Альгерда на Маскву, пра заснаванне Вільні ды інш.).

Беларускія паданні тэматычна падзяляюцца на гістарычныя — пра войны, барацьбу з іншаземнымі захопнікамі, пра эпідэміі («Адкуль рубеж», «Поле татарына», «Бітва пад Лясной», «Пра 1812 год»), пра гістарычных асобаў і герояў («Пра князя Яраслава», «Пятро Вялікі», «Платон-казак»); тапанімічныя — пра паходжанне гарадоў, мястэчак, вёсак, урочышчаў, гарадзішчаў і інш. («Пра заснаванне Магілёва», «Адкуль Нясвіж», «Дзявочая горка»).

Паданні і легенды перадаваліся з пакалення ў пакаленне і былі своеасаблівай гістарычнай памяццю народа. Сюжэт падання пра народнага героя разбойніка Машэку выкарыстаў Янка Купала ў паэме «Магіла льва». Паводле гэтай паэмы і п'есы Е. Міровіча («Машэка») Р. Пукст напісаў оперу «Машэка».

Крыніца: «Краязнаўчая газета» 35 (628) верасень 2016 г.
Меню
Відэаканал GantsRegion
Уваход

Пошук
Катэгорыі раздзелу
Публікацыі [249]
Каталог файлаў [96]
Малая краязнаўчая энцыклапедыя [115]
Культура [140]
Адукацыя [15]
Спорт [553]
Здарэнні [131]
Грамадства [251]
Эканоміка [10]
Транспарт [70]
Блог [6]
Падарожнічаем разам [12]
Каляндар
«  Май 2018  »
ПанАўтСерЧацПятСубНяд
 123456
78910111213
14151617181920
21222324252627
28293031
Хто тут?
Анлайн усяго: 2
Гасцей: 2
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.