ПАДВЯЛІКСКІ КАСЦЁЛ МАЦІ БОЖАЙ АНЁЛЬСКАЙГалоўная »
ПАДВЯЛІКСКІ КАСЦЁЛ МАЦІ БОЖАЙ АНЁЛЬСКАЙ размяшчаецца ў вёсцы Падвялікае Дзятлаўскага раёна Гродзенскай вобласці. Пабудаваны ў 1990—91 гадах з дрэва.
Развітую падоўжную аб'ёмна-прасторавую кампазіцыю храма фарміруюць прамавугольныя ў плане зрубы папярочнага трансепта, працяглага нефа, крылаў трансепта і апсіды. Над трохвугольным франтонам фасада ўзведзены двух’ярусны васьмігранны шатровы барабан. Шатровай сігнатуркай завершана сяродкрыжжа двухсхільных дахаў. Вертыкальна ашаляваныя фасады прарэзаны стральчатымі аконнымі праёмамі.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|