ПАДВОДКА — падгалосак, верхні голас, які кантрапунктуе ў народным шматгалоссі асноўнаму напеву ніжняга голасу, што вядзе ўвесь хор («басуе»). Выконваецца адным найбольш умелым спеваком (які можа «падняць песню»), якога таксама называюць падводкаю (або падхватнікам). Спевы з падводкай пашыраныя пераважна ў паўднёвых раёнах Беларусі (
Палессе), a таксама ў цэнтральных i ўсходніх.
Мясцовыя назвы падводкі: падводдзе, падцяг, вярха браць (цэнтральныя раёны), падгалоснік (
Магілёўшчына), гаравік (
Лоеўшчына) i інш. Беларускі шматгалосы спеў з падводкай тыпалагічна блізкі шматгалосаму спеву Украінскага Палесся i рускіх данскіх казакоў.