ПАЛАТНО — двухнітовая льняная тканіна, вырабленая ў хатніх умовах. Кужэльнае палатно, якое ткалі ў 11 — 14 і больш пасмаў, выкарыстоўвалася на жаночыя і святочныя мужчынскія кашулі, а таксама наміткі. 3 пачыснага (зрэбнага ў 8—10 пасмаў) палатна шылі мужчынскія будзённыя кашулі і порткі.

Гатовае палатно адбівалі, бялілі, потым качалі качалкамі і скручвалі ў сувоі (паставы). Палатно было абавязковым атрыбутам пасагу маладой.