Рана асірацеў. Быў вывезены ў Масковію князем Аляксеем Трубяцкім, які «пазычыў» яго настаяцелю Уваскрасенскага манастыра. Атрымаўшы вядомасць, Палубес паступіў у палацавае ведамства і пераехаў у Маскву. Жыў у Ганчарнай слабадзе, там заснаваў сваю майстэрню, дзе з вучнямі вырабляў керамічныя фрызы і пано. У Маскве з 1654 (?) працаваў у князя Трубяцкога, у 1660 – 1666 гг. аздабляў Уваскрасенскі сабор у Новаіерусалімскім манастыры на Істры. 3 1666 г. майстар Збройнай палаты Маскоўскага Крамля. Сярод працаў у Маскве:
кафляныя фрызы царквы Грыгорыя Неакесарыйскага (створаныя з I. Максімавым да 1672 г.) і Пакроўскага сабора ў Ізмайлаве (1674 г.), маёлікавая аздоба «Церамка» над
брамай Круціцкага падвор'я (1693 – 1694 гг.). Мяркуюць, што ўдзельнічаў у аздабленні Церамнага палаца, царквы Спаса за залатымі кратамі і Аптэкарскага прыказа ў Крамлі. Найбольш значны твор — маёлікавыя рэльефы апосталаў для царквы Успення ў Ганчарах (Масква, 1691 г.).
