ПАВЕЦЬ, паветка — прыбудова для гаспадарчых прыладаў, дроваў ды іншага ў сялянскім двары. Найчасцей былі адкрытыя (у выглядзе навеса) ці
агароджаныя аполкамі, дошкамі. Аснову каркаснай канструкцыі павеці складалі слупы (сохі), што падтрымлівалі адна- ці двухсхільную страху.
Павець, дзе захоўвалі сані, вазкі,
калёсы і іншы сельгасінвентар, зазвычай называлі
вазоўняй ці
абозняй. Павець для дроваў, дзе стаялі калода, козлы, віселі калуны, сякеры, пілы, называлі
дрывотняй або дрывотнікам.