ПРАВАМАСТОЎСКАЯ КАПЛІЦАГалоўная »
ПРАВАМАСТОЎСКАЯ КАПЛІЦА размяшчаецца на могілках ва ўсходняй частцы вёскі Правыя Масты Мастоўскага раёна Гродзенскай вобласці. Пабудавана ў 19 стагоддзі з цэглы як пахавальня.
Помнік архітэктуры позняга класіцызму. Вырашана кампактным прамавугольным у плане аб'ёмам з паўкруглай апсідай. Над трохвугольным франтонам двухсхільнага даху (канічнага над апсідай) пастаўлена драўляная чатырохгранная шатровая сігнатурка. Прамавугольны ўваходны праём фланкіраваны двумя парамі пілястраў. Бакавыя плоскасныя фасады прарэзаны двумя парамі паўкруглых люкарнаў.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|