ВАЛЁНКІ – зiмовы абутак з валенай воўны. Лакальная назва валенцы. Бытавалi з 19 ст. (спачатку ў заможных сялян), а з пачатку 20 ст. набылi шырокае распаўсюджанне, асаблiва на ўсходзе i паўночным усходзе Беларусi. Працэс выпрацоўкi валёнкаў уключае некалькi этапаў: закладка вырабу, валенне, фармаванне, аддзелка (глядзіце ў артыкуле Валюшнае рамяство). Валенне (катанне) валёнкаў, асаблiва дзiцячых, бытуе i ў наш час у вёсках. Майстры – валюшнiкi вырабляюць абутак з захаваннем традыцыйнай тэхналогii i прылад працы. Наладжаны прамысловы выраб валёнкаў.