ЗАКОЦВІНА — бервяно ці
брус, пакладзены на
бэлькі з унутранага або знешняга боку падоўжных сцен
зруба для апоры і замацавання ніжняй часткі
крокваў страхі.
Характэрны элемент народнага дойлідства. Выкарыстоўваецца часцей у двухсхільных стрэхах. У народным будаўніцтве Паазер'я, Падняпроўя закоцвіны размяшчаліся з унутранага боку падоўжных процілеглых сцен зруба, а на Палессі — пераважна на канцах бэлек са знешняга боку.
Канцы закоцвін, асабліва вынесеных за плоскасць тарцовых сцен з боку фасада, як і
кансолі, часта аздабляюцца разьбой.