ЗЯНКОВІЧ Леан (11.04.1808 г., в.Ляхі Пружанскага р-на — 12.12.1870 г.) – польскі мемуарыст, публіцыст, паэт. Называў сябе «палешуком». Скончыў Свіслацкую гімназію, вучыўся ў Варшаўскім універсітэце.

Удзельнік нацыянальна-вызваленчага паўстання 1830 – 1831 гг., пасля ягонага паражэння эміграваў. У працы «Польскі народ, або Дакладнае апісанне звычаяў, нораваў, адзення і г.д.» (1847) апісаў побыт палешукоў. Найбольш вядомы ягоны твор «Вечары ляха з Ляхаў, або Гутаркі пры каміне старога польскага літаратара», дзе аўтар разважае пра выхаванне і адукацыю моладзі, успамінае маленства і вучобу ў Свіслачы, расказвае пра беларускіх прыгонных сялянаў.