Цёплую, кранальна-хвалюючую сустрэчу бібліятэкараў раёна падрыхтавалі супрацоўнікі цэнтральнай раённай бібліятэкі імя В.Ф. Праскурава і раённай дзіцячай бібліятэкі.
Вечарына сабрала сённяшніх бібліятэчных работнікаў, ветэранаў бібліятэчнай працы і сяброў
бібліятэкі.
У цёплай, зычлівай атмасферы гучалі шчырыя віншаванні, плылі незабыўныя ўспаміны, чуліся словы падзякі адзін аднаму за падтрымку і разуменне. Па святочнаму ўрачыста гучалі для прысутных
вершыАляксея Голоскока, песні ў выкананні Ліліі Водзюцінай і Надзеі Рэкуновай, Алы Бабаевай,
Святланы Локтыш і Георгія Чыжыка і інш.
На маніторы відэаустаноўкі пад шчымлівыя словы песні "Зазірніце ў сямейны альбом" змянялі адзін другога слайды з фотаздымкамі бібліятэчных работнікаў, якія шмат гадоў шчыравалі на бібліятэчнай ніве і тых, каго ўжо няма побач.
Работнікі аддзела бібліятэчнага маркетынгу стварылі і падарылі ветэранам працы зборнік "Дарогамі лесу: жыццё і кніга", на старонках якога сабраны нататкі і артыкулы пра бібліятэкараў раёна, тых, хто працаваў раней і хто працуе сёння.
У канцы мерапрыемства ўсіх аб'яднала песня «Изгиб гитары жёлтой...».