АБКЛАД - аздоба пераплёту рукапісных і друкаваных кніг, абразоў. Рабілі яе з рознага металу, парчы, скуры, аксаміту. Абклад аздабляўся чаканкай, фавіроўкай, чарненнем, эмалямі, філігранню, каштоўнымі і паўкаштоўнымі камянямі, жэмчугам.

На Беларусі яго ўжывалі для Евангелляў Аршанскага (XIII ст., касцяны, захоўваецца на Украіне), Лаўрышскага (XIV ст., сярэбраны, у Кракаве). Выяўлены металічны абклад Евангелля з Ляхавіч (XVIII ст.), пазалочаны, металічны Евангелля з Жабінкаўскага раёна (1838), скураны Статута ВКЛ (XVII ст., усе зберагаюцца ў Музеі старажытнабеларускай культуры ІМЭФ НАН Беларусі). Вядомыя калекцыя драўляных абкладаў XVIII ст. з Ляхавіцкага, Маларыцкага і Камянецкага раёнау, металічны абклад, аздоблены гравіраванай і чаканенай выявай святога Міколы (Бярозаўскі раён) і інш.