БАРАНАВІЦКІ КАСЦЁЛ СВЯТОГА ЗЫГМУНТА размяшчаецца ў горадзе Баранавічы Брэсцкай вобласці. Пабудаваны ў 1990-я гг. з цэглы і бетону ў авангардным стылі.

Трохнефавая двухвежавая базіліка. Вежы завершаны аднасхільнымі перакрыццямі і высокімі металічнымі крыжамі на вяршынях. Паміж вежамі на фасадзе выступае плоскасць высокага цэнтральнага нефа, завершаная трохвугольным франтонам і запоўненая вялізным вітражным зашкленнем, расчлянёным на тры часткі і тры ярусы бетоннымі прасценкамі і перамычкамі. Верхнія ярусы вежаў прарэзаны шэрагам вузкіх праёмаў. Уваход арганізаваны праз нізкі прытвор пад двухсхільным дахам.