БЫХАЎСКАЯ КАПЛІЦА размяшчаецца ў горадзе Быхаў Магілёўскай вобласці на могілках. Пабудавана ў другой палавіне 19 ст. з цэглы як пахавальня. У паўзруйнаваным стане.

Помнік архітэктуры рэтраспектыўна-гатычнага стылю. Вырашана кампактным прамавугольным у плане збудаваннем пад двухсхільным дахам (не захаваўся). Фасад прарэзаны стральчатым уваходным праёмам, фланкіраваным паўкалонамі і завершаным прамавугольным атыкам з цыліндрычнай кароткай вежай над ім.