ГАЛЫНКАЎСКАЯ КАПЛІЦАГалоўная »
ГАЛЫНКАЎСКАЯ КАПЛІЦА размяшчаецца ў былым сядзібна-паркавым комплексе Лазоўскіх у паўднёва-ўсходняй частцы вёскі Галынка Клецкага раёна Мінскай вобласці. Пабудавана ў 1809 г. з цэглы. У паўзруйнаваным стане.
Помнік архітэктуры класіцызму. Вырашана прамавугольным у плане аб'ёмам пад двухсхільным дахам. Фасад завершаны трохвугольным франтонам, крапаваны вуглавымі пілястрамі, прарэзаны па цэнтры арачным уваходным праёмам. Памяшканне перакрыта цыліндрычным скляпеннем з бакавымі люнетамі і вуглавымі ветразямі. На алтарнай сцяне арачная ніша для алтара.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|