КІВАЦІЧСКАЯ КАПЛІЦА размяшчаецца на старых могілках, каля званіцы на паўднёвай ускраіне вёскі Ківацічы, Кобрынскага раён Брэсцкай вобласці. Узведзена ў сярэдзіне 19 ст. з цэглы як надмагілле Стржамінскіх.

Помнік архітэктуры позняга класіцызму. Вырашана чатырохгранным абеліскам, пастаўленым на квадратны подыум і завершаным каваным крыжом. У фігурных нішах на гранях абеліска мемарыяльныя дошкі (чыгуннае ліццё).