Нядзеля, 18.08.2019, 16:16

НІША


НІША (франц. niche ад італьян. nicchia) у архітэктуры — паглыбленне ў сцяне будынка або збудавання для пластычнага ўзбагачэння фасадаў і інтэр'ераў, аблягчэння канструкцыі, устаноўкі статуяў, вазаў і інш. Бываюць прамавугольныя, лучковыя, арачныя, круглыя, паўцыркульныя, складанай формы; бываюць без абрамленняў або ўпрыгожаныя прафіляванымі архівольтамі, сандрыкамі, франтонамі, філёнгамі і інш.

У архітэктуры старажытнай Беларусі XII ст. у выглядзе высокіх нішаў з конхамі часам рабілі бакавыя алтарныя апсіды (Дабравешчанская царква ў Віцебску). У гатычных збудаваннях XV — XVII стст. нішы разнастайнай формы, згрупаваныя ў некалькі ярусаў, пабеленыя ўнутры, стваралі разам з іншымі элементамі дэкаратыўны пластычна насычаны малюнак фасадаў (Мірскі замак, Сынковіцкая царква-крэпасць). Нішы стваралі пластыку фасадаў і інтэр'ераў у пабудовах стыляў барока і класіцызму (касцёл езуітаў у Нясвіжы, Траецкі касцёл дамініканцаў у Ружанах, касцёл у Мосары і інш.), несапраўднай готыкі, псеўдарускага, мадэрн. У савецкай архітэктуры 1950-х гг. нішы выкарыстоўвалі як мастацкі элемент (будынак Нацыянальнага мастацкага музея Рэспублікі Беларусь і інш.).

Крыніца: «Краязнаўчая газета», №47 (592) снежань 2015 г.

Меню
Відэаканал GantsRegion
Уваход

Пошук
Катэгорыі раздзелу
Публікацыі [250]
Каталог файлаў [99]
Малая краязнаўчая энцыклапедыя [115]
Культура [152]
Адукацыя [19]
Спорт [738]
Здарэнні [181]
Грамадства [273]
Эканоміка [11]
Транспарт [81]
Блог [6]
Падарожнічаем разам [14]
Каляндар
«  Жнівень 2019  »
ПанАўтСерЧацПятСубНяд
   1234
567891011
12131415161718
19202122232425
262728293031
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.