КУЛЬСКАЯ КАПЛІЦА СВЯТОГА ЮЗАФАГалоўная »
КУЛЬСКАЯ КАПЛІЦА СВЯТОГА ЮЗАФА размяшчаецца на паўночнай ускраіне вёскі Куль Стаўбцоўскага раёна Мінскай вобласці. Пабудавана ў 1847 г. з цэглы ў сядзібна-паркавым комплексе.
Твор архітэктуры з рысамі рэтраспектыўна-гатычнага стылю. Вырашаны прамавугольным у плане аб'ёмам пад двухсхільным дахам. Фасад завершаны рызалітам- званіцай з трохвугольным франтонам у завяршэнні (драўляны нартэкс прыбудаваны ў другой палавіне 20 ст.). Бакавыя фасады расчлянёны дзвюмя парамі стральчатых аконных праёмаў. На алтарнай сцяне стральчатая ніша з выявай Хрыста і круглай разеткай над ёй.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|