ЛЕБЕДЗЕЎСКІ КАСЦЁЛ размяшчаецца ў цэнтры вёскі Лебедзева Маладзечанскага раёна Мінскай вобласці. Пабудаваны ў пачатку 21 ст. з сілікатнай цэглы паводле тыпавога праекта «Рэнавабіс».

Твор архітэктуры постмадэрнізму. Вырашаны прамавугольным у плане вертыкальна выцягнутым аб'ёмам пад двухсхільным дахам. Плоскасны фасад завершаны чатырохграннай шатровай вежай-званіцай, расчлянёны круглай люкарнай і арачнымі аконнымі праёмамі. Над уваходным арачным парталам двухсхільны казырок. Бакавыя фасады рытмічна расчлянёны арачнымі аконнымі праёмамі.