Галоўная | Рэгістрацыя | Уваход | RSS | Пятніца, 26.04.2024, 03:17 | ||||||||||||||||||||||||||||||||
ЛЮБАНСКІ МУЗЕЙ НАРОДНАЙ СЛАВЫГалоўная »ЛЮБАНСКІ МУЗЕЙ НАРОДНАЙ СЛАВЫ створаны ў г.Любань на аснове загаду Мінскага аблвыканкама ад 22.10.1968 г. Для наведвальнікаў адкрыты 03.07.1971 г. Музеем кіравалі М.П.Дарожка, Л.Ф.Сойка, Н.І.Новікава, Г.М.Алейнікава, Н.М.Сіняк, Ф.Ф.Федарук. З 1986 г. дырэктар Н.М.Сіняк. Музей размешчаны ў 3 будынках, агульная экспазіцыйная плошча (2008) складае 232,3 м². У фондзе музея 23 444 адзінкі захоўвання, з якіх 14 785 адзінак асноўнага фонду. Любанскі музей народная славы Збор музейных прадметаў вядзецца па калекцыях: нумізматыка, баністыка, фалерыстыка, археалогія, зброя, дакументы, мастацтва і др. Экспазіцыя музея мае 5 раздзелаў. Асноўны раздзел прысвечаны гісторыі края і пабудаваны па храналагічным і калекцыйным прынцыпах. Тут экспануюцца дакументы, фотадакументы, помнікі матэрыяльнай і духоўнай культуры, якія адлюстроўваюць розныя перыяды гісторыі Любаншчыны. Калекцыя археалогіі падрабязна знаёміць з жыццём і заняткамі першых жыхароў края. Скарб манет Вялікага княства Літоўскага і Рэчы Паспалітай, копіі вырабаў Урэцкай шкляной мануфактуры XVIII ст., карта-схема рэйду атрада С.Грабоўскага падчас паўстання пад кіраўніцтвам Т.Касцюшкі 1794 г. раскрываюць эканамічныя і палітычныя сувязі аддаленага ад цэнтра рэгіёна з «вялікім» светам. Дэманструюцца таксама вырабы рамёстваў і промыслаў мясцовых жыхароў, прадметы побыту канца ХІХ — пачатку ХХ ст. Асобны раздзел экспазіцыі адлюстроўвае жыццё і творчасць ураджэнцаў Любаншчыны У.Сыракомлі і П.Шпілеўскага, развіццё народнай асветы і царкоўную гісторыю рэгіёна. У наступным раздзеле прадстаўлены дакументы і фотадакументы, прысвечаныя ўдзелу ўраджэнцаў края ў гістарычных падзеях пачатку ХХ ст.: рэвалюцыях 1905—07 гг. і 1917 г. , 1-й сусветнай і грамадзянскай войнах, у асушэнні Мар'інскіх балот, стварэнні і дзейнасці на асушаных тарфяніках саўгаса «10 гадоў БССР» і чырвонаармейскай камуны. Асаблівай увагі заслугоўвае раздзел экспазіцыі, які расказвае пра дзейнасцьу гады Вялікай Айчыннай вайны антыфашыскага падполля і партызанскага руху ў Любанскім раёне, які стаў адным з цэнтраў усенароднага супра ціўлення ў Мінскай вобласці. У заключным раздзеле прадстаўлены матэрыялы, якія адлюстроўваюць подзвігі ўраджэнцаў і жыхароў Любаншчыны на франтах Вялікай Айчыннай вайны. Акрамя асноўнай экспазіцыі фондавыя матэрыялы экспануюцца на стацыянарных і перасоўных выстаўках. Музей народных промыслаў і рамёстваў Музей мае 2 філіялы: Музей народных промыслаў і рамёстваў у г.Любань і Музей гісторыі меліярацыі ў в.Камуна. Адрас: 223812, г.Любань, вул.Калініна, 2 |
|