ПЛЯТЭР Адам Аўгусцінавіч (15.06.1790 года, горад Краслава, Латвія — 13.01.1862 года) — краязнаўца, археолаг. Скончыў Віленскі ўніверсітэт (1817). Член Кракаўскага навуковага таварыства (1821), Віленскай археалагічнай камісіі (1856). Куратар школаў Дынабургскага павета Віцебскай губерні.

Падарожнічаў па Дзвіне. Апісваў помнікі архітэктуры, археалогіі, Барысавы камяні [«Аб старажытных камянях з надпісамі, знойдзеных у рацэ Дзвіне (XII стагоддзе) каля Полацка і Дзісны», 1843 год], Вывучаў пахаванні ў курганах на балцка-славянскім сумежжы. Друкаваўся ў часопісах «Rubon» («Рубон»), «Athenaeum» («Атэнэум»), «Przyjariel ludu» («Сябар народа») і іншых. Пісаў пра самабытнасць краю, мясцовыя абрады, вераванні. Цікавіўся беларускім фальклорам. У сваім доме ў Краславе стварыў музей, бібліятэку, архіў. Сабраў шмат матэрыялаў з Падзвіння, частку якіх перадаў у Віленскі музей старажытнасцяў. Пакінуў працу «О dawnych grobach і starozytnosciach odkrytych w Inflan-tach Polskich» (Ryga, 1848).