РАГАЧОЎСКІ КАСЦЁЛ СВЯТОГА АНТОНІЯ ПАДУАНСКАГАГалоўная »
РАГАЧОЎСКІ КАСЦЁЛ СВЯТОГА АНТОНІЯ ПАДУАНСКАГА размяшчаецца ў паўднёвай частцы горада Рагачоў Гомельскай вобласці, каля шашы Бабруйск—Слаўгарад. Пабудаваны ў 1911—13 гады з цэглы. У стане рэстаўрацыі.
Помнік архітэктуры неаготыкі. Вырашаны прамавугольным ў плане аб'ёмам пад двухсхільным дахам. Над фасадам надбудавана васьмігранная званіца. Бакавыя фасады рытмічна расчлянёны высокімі стральчатымі аконнымі праёмамі і прасценачнымі ступеньчатымі контрфорсамі з гранёнымі фіяламі ў завяршэнні. Уваход вылучаны прысадзістым стральчатым парталам, над якім такой жа формы высокі аконны праём хораў. Архітэктурны дэкор (аркатурныя фрызы, руставаныя ліштвы праёмаў) выкананы сродкамі майстэрскай цаглянай муроўкі. Высокі цокаль выкладзены квадрамі часанага вапняку.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|