РЭПЛЯЎСКАЯ КАПЛІЦА размяшчаецца за 1 км на ўсход ад вёскі Рэпля Ваўкавыскага раёна Гродзенскай вобласці, на могілках. Пабудавана ў пачатку 20 стагоддзя з бутавага каменю як радовая пахавальня.

Помнік архітэктуры неаготыкі. Вырашана цыліндрычнай двух’яруснай вежай пад стромкім шатром, апяразаным у аснаванні крэмальерным парапетам. Другі ярус прарэзаны вузкімі стральчатымі аконнымі праёмамі, аб'яднанымі такой жа аркатурай. 3 тыльнага боку далучаны прамавугольны ў плане накрыты двухсхільным дахам цагляны аб'ём мемарыяльнай залы, асветленай бакавымі стральчатымі вокнамі.