ВЕРАСКАЎСКАЯ КАПЛІЦА СВЯТОЙ СЯМ'ІГалоўная »
ВЕРАСКАЎСКАЯ КАПЛІЦА СВЯТОЙ СЯМ'І размяшчаецца на старажытных могілках за 0,5 км ад вёскі Вераскава Навагрудскага раёна Гродзенскай вобласці
Пабудавана ў другой палавіне 19 ст. з цэглы, бутавага каменю і дрэва як родавая пахавальня ўладальнікаў маёнтка Брахоцкіх. Пасля Вялікай Айчыннай вайны паўзруйнавана, вернута парафіянам і адрэстаўрыравана ў 1980-я гг.
Помнік народнага дойлідства з рысамі стылю класіцызму. Вырашаны прамавугольным у плане аб'ёмам пад двухсхільным дахам. На мураваным фасадзе выступае чатырохкалонны порцік з трохвугольным дашчаным франтонам. Бакавыя зрубленыя з брусу фасады расчлянёны прамавугольнымі аконнымі праёмамі ў разных ліштвах.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|