ВОЎЧЫНСКАЯ КАПЛІЦА размяшчаецца на могілках у вёсцы Воўчын Камянецкага раёна Брэсцкай вобласці. Пабудавана ў канцы 20 ст. з цэглы.

Вырашана кампактным прамавугольным у плане аб'ёмам з трохграннай апсідай, над якой стромкі двухсхільны дах пераходзіцьу вальмавы, на франтальным фасадзе — у трохвугольны франтон. Плоскасныя фасады прарэзаны бакавымі арачнымі аконнымі і прамавугольным уваходным праёмам, фланкіраваным цаглянымі пілястрамі і завершаным арачнай броўкай. На фоне атынкаваных сцен вылучаны чырвонацагляныя ліштвы праёмаў, двух'абломны карніз, цокальны пояс.