«ДАКУМЕНТЫ МАСКОЎСКАГА АРХІВА МІНІСТЭРСТВА ЮСТЫЦЫІ», ДМАМЮ — зборнік дакументаў і матэрыялаў па сацыяльна-эканамічнай і палітычнай гісторыі
Вялікага княства Літоўскага 15 — 16 ст. Выдадзены
М.В.Доўнар-Запольскім (М., 1897). Уключае дакументы з кніг Метрыкі Вялікага княства Літоўскага пра раздачу дзяржаўных зямель, вёсак, маёнткаў асобным феадалам («Кніга данін»),
інвентары і апісанні Кобрынскай і Гродзенскай эканомій, Берасцейскага і Пінскага старостваў, Пінскага і Клецкага княстваў, Радашковіч, Оршы і інш.; матэрыялы пра дзейнасць вальных сеймаў. Змешчаны матэрыялы па старажытнай этнаграфіі Беларусі, звесткі пра гаспадарча-вытворчую дзейнасць сельскага і гарадскога насельніцтва, землекарыстанне і землеўладанне, паселішчы і жыллё, характар забудоў вёсак і гарадоў, колькасць насельніцтва, іх павіннасці і подаці,
адзенне,
ежу, сямейныя адносіны, грамадскі побыт і інш. Дакументы надрукаваны на мове блізкай да арыгінала (беларускай, часткова польскай). У зборніку прадмова складальніка, паказальнікі імянных і геаграфічных назваў.
Аўтар: І.У.Чаквін
Крыніца: Этнаграфія Беларусі: энцыклапедыя / Беларуская Савецкая Энцыклапедыя; рэдкалегія: І.П. Шамякін (галоўны рэдактар) [і інш.]. - Мінск: БелСЭ, 1989. - 375 с.