ГАРАДЗЕЙСКІ КАСЦЁЛ СВЯТОГА ЮЗАФА размяшчаецца ў гарадскім пасёлку Гарадзея Нясвіжскі раён Мінскай вобласці. Пабудаваны ў пачатку 20 ст. з бутавага каменю як стайня, у 1925 г. перабудаваны ў касцёл. У 1944 г. згарэў, пасля Вялікай Айчыннай вайны прыстасаваны пад харчэўню. У 1990-я гг. будынак адноўлены як касцёл (прыбудавана вежа-званіца).

Храм вырашаны ў лаканічных формах сучаснай архітэктуры. Да прамавугольнагаў плане аб'ёму пад двухсхільным дахам дабудавана чатрохгранная шатровая вежа-званіца, прарэзаная ўверсе арачнымі праёмамі яруса-звона, унізе — арачным уваходным праёмам. Бакавыя фасады рытмічна члянёны высока ўзнятымі невялікімі прамавугольнымі аконнымі праёмамі.