ГУЛЬСКАЯ КАПЛІЦА размяшчаецца каля шашы Мядзел — Докшыцы за 1 км на паўночны ўсход ад вёскі Гулі (Старая Жосна) Мядзельскага раёна Мінскай вобласці. Верагодна, пабудавана ў другой палавіне 17 ст. з цэглы ў маёнтку Снарскіх Старая Жосна. Зруйнавана ў 1950-я гг., захаваліся рэшткі.

Архітэктура рэшткаў фасада дае падставу меркаваць, што яна насіла рэнесансны характар: трохвугольны франтон, крапаваны аркатурай, круглая люкарна, партал арачнага ўваходнага праёма. Цэнтрычны аб'ём быў перакрыты крыжовым скляпеннем.