КАХАНОЎСКІ Генадзь Аляксандравіч (08.01.1936 г., в.Дамашы Маладзечанскага раёна – 15.01.1994 г.) – гісторык, краязнаўца, фалькларыст. Скончыў Маскоўскі дзяржаўны педагагічны інстытут імя У.І.Леніна (1963). З 1964 г. навуковы супрацоўнік, намеснік дырэктара, дырэктар Мінскага абласнога краязнаўчага музея (Маладзечна), з 1982 г. навуковы супрацоўнік Інстытута мастацтвазнаўства, этнаграфіі і фальклору АН БССР. Вывучаў археалогію, музейную справу, гісторыю краязнаўства і фалькларыстыку. Аўтар літаратурна-краязнаўчых нарысаў пра пісьменнікаў, фалькларыстаў, этнографаў (Янку Купалу, Максіма Багдановіча, А.Гурыновіча, Ф.Тапчэўскага, З.Даленгу-Хадакоўскага, Р.Зянькевіча, Яна Баршчэўскага, К.Тышкевіча і інш.), гісторыка-эканамічных нарысаў «Маладзечна» (1971), «Вілейка» (1974). Адзін з складальнікаў і аўтараў літаратурна-мастацкага календара «Кола дзён» (1987; 1988).

Ініцыятар стварэння і кіраўнік Беларускага краязнаўчага таварыства (1989 – 1994 гг.).