Аўторак, 25.06.2024, 04:08

ЛІРНІК

Галоўная »
ЛІРНІК — жабрак (старац), які здабываў сабе сродкі існавання спевамі ў суправаджэнні ліры. У часы прыгонніцтва лірнікі вандравалі па ўсёй Беларусі пераважна па вёсках, у дні кірмашоў і фэстаў канцэнтраваліся ў мястэчках і гарадах. У дакументах 2-й паловы XVII — ХІХ ст. ёсць звесткі пра карпарацыі жабракоў, у якія ўваходзілі і лірнікі (напрыклад, у Магілёве, Слуцку).

лірнік, ліра
Сляпы з лірай. Мястэчка Петрыкаў. Пачатак 20 ст.

Выконвалі лірнікі духоўныя вершы (найбольш папулярныя «Лазар», «Прытча пра блуднага сына»), песні павучальна-бытавыя («Сіротка», «Пра Надзю») і гістарычныя («Паранены, замучаны крываваю вайной»), а пры пэўных абставінах і танцавальныя мелодыі, гарэзлівыя прыпеўкі.

Сярод лірнікаў сустракаліся, паводле сведчанняў М.Я.Нікіфароўскага і С.Малевіча, таленавітыя выканаўцы (Сымон-сляпак з Віцебшчыны, Флёрык з Ляхавіч). Ігры на ліры навучаліся ў спрактыкаваных майстроў-«дзядоў» або непасрэдна ў час вандраванняў. Народ бачыў у лірнікаў носьбітаў ідэй дабра, справядлівасці, выразнікаў сваіх думак. Пасля Кастрычніцкай рэвалюцыі ў сувязі з карэннымі зменамі сацыяльна-эканамічных умоў жыцця лірнікі як асобная група насельніцтва паступова зніклі.

Каларытны вобраз лірніка выведзены Уладзімірам Караткевічам у рамане «Каласы пад сярпом тваім».
Меню
Відэаканал GantsRegion
Уваход

Пошук
Катэгорыі раздзелу
Публікацыі [252]
Каталог файлаў [100]
Малая краязнаўчая энцыклапедыя [115]
Культура [194]
Адукацыя [38]
Спорт [1407]
Здарэнні [476]
Грамадства [478]
Эканоміка [37]
Транспарт [148]
Блог [6]
Падарожнічаем разам [18]
Каляндар
«  Чэрвень 2024  »
ПанАўтСерЧацПятСубНяд
     12
3456789
10111213141516
17181920212223
24252627282930
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.