ЛОШАЎСКАЯ КАПЛІЦА размяшчаецца на паўночны ўсход ад вёскі Лоша Астравецкага раёна Гродзенскай вобласці. Пабудавана ў 1920-я гг. з дрэва, адноўлена ў 1980 г., асвячона 21.09.1997 г. З боку перад капліцай пастаўлена чатырохгранная вежа-званіца пад шатровым дахам.

Твор народнага дойлідства. Храм вырашаны прамавугольным зрубам пад двухсхільным дахам, які над трохграннай апсідай пераходзіць у вальмавы. Плоскасны франтальны фасад завершаны трохвугольным фігурна ашаляваным франтонам, які прарэзаны дзвюмя гранёнымі люкарнамі. Вертыкальна ашаляваныя фасады расчлянёны прамавугольнымі аконнымі праёмамі і брусамі-сцяжкамі ў прасценках.