Галоўная | Рэгістрацыя | Уваход | RSS | Панядзелак, 29.04.2024, 08:48 | ||||||||||||||||||||||||||||||||
ЛЫНТУПЫГалоўная »ЛЫНТУПЫ — гарадскі пасёлак у Пастаўскім раёне Віцебскай вобласці, на р.Лынтупка; чыгуначная станцыя на лініі Круляўшчызна — Лынтупы. За 42 км на захад ад Паставаў, 307 км ад Віцебска. Аўтадарогамі злучаны з Паставамі і г.п.Свір. 1,6 тыс. жыхароў (2010). Сцяг гарадскога пасёлка Лынтупы Герб гарадскога пасёлка Лынтупы У гістарычных крыніцах упамінаецца з 1385 г. У 1459 г. тут пабудаваны касцёл, пры ім шпіталь. З сярэдзіны 16 ст. ў Ашмянскім павеце Віленскага ваяводства ВКЛ. Уладальнікамі Лынтупаў былі Астроўскія, Гільзены, Бучьшскія. У 1591 г. у мястэчку Лынтупы каля 150 жыхароў, 28 дымоў. З 1795 г. у Расійскай імперыі, з 1843 г. цэнтр воласці Свянцянскага павета. У 1885 г. у Лынтупах 214 жыхароў, 13 двароў, валасное праўленне, школа (пабудавана ў 1865 г.), касцёл, яўрэйскі малітоўны дом, 3 крамы, карчма, праводзіліся кірмашы. У 1897 г. — 685 жыхароў. Касцёл Святога Андрэя (фота Андрэй Дыбоўскі) Сядзібны дом (фота Андрэй Дыбоўскі) У 1921-39 гг. у складзе Польшчы, цэнтр гміны Свянцянскага павета Віленскага ваяводства. З 1939 г. у БССР, з лістапада 1940 г. у Пастаўскім раёне. У Вялікую Айчынную вайну моцна разбураны нямецка-фашысцкімі захопнікамі. Сядзіба: вежа (фота Андрэй Дыбоўскі) З 22.08.1967 г. гарадскі пасёлак. У 1975 г. 2 тыс. жыхароў. Сядзіба: бровар (фота Андрэй Дыбоўскі) Сядзіба: мост (Андрэй Дыбоўскі) Дзейнічаюць спіртзавод, сярэдняя школа, Дом культуры, бібліятэка, бальніца, аптэка, камбінат бытавога абслугоўвання, аддзяленне сувязі. Брацкая магіла савецкіх воінаў і партызан, магілы ахвяр фашызму. Помнікі архітэктуры: Лынтупская сядзіба (1-я палова 19 ст.), Лынтупскі Андрэеўскі касцёл (пачатак 20 ст.). На паўночным захадзе ад Лынтупаў курганны могільнік балтаў 10 — 11 ст. |
|