Чацвер, 28.05.2020, 07:52

МАЛАДЗЕЧАНСКІ КАСЦЁЛ СВЯТОГА КАЗІМІРА І КЛЯШТАР ТРЫНІТАРЫЯЎ


МАЛАДЗЕЧАНСКІ КАСЦЁЛ СВЯТОГА КАЗІМІРА І КЛЯШТАР ТРЫНІТАРЫЯЎ размяшчаецца ў паўночнай частцы горада Маладзечна Мінскай вобласці на вуліцы Замкавай. Кляштар дзейнічаў з 1758 па 1832 гг. Складаўся з кaсцёла святога Казіміра (не захаваўся) і жылога корпуса.


У 1758 г. ўладальнік мястэчка М.Агінскі пабудаваў драўляны касцёл, які ў 1762 г. перадаў манахам-трынітарыям і пабудаваў для іх мураваны жылы корпус. У 1811 г. сенатар М.Агінскі перавёў сюды з Бабруйска дваранскае павятовае вучылішча, якое размясцілася ў яго сядзібе (два класы ў кляштарным корпусе). Мемарыяльная дошка сведчыць, што пасля 1815 г. тут была настаўніцкая семінарыя. Пасля паўстання 1831 г. кляштар скасаваны, касцёл пераўтвораны ў царкву. У наступным годзе акрамя вучылішча ў кляштары знаходзілася паштовая станцыя. У 1843 г. жылы корпус кляштара з пяццю драўлянымі пабудовамі і сям’ю дзесяцінамі зямлі цалкам перайшоў да дваранскага павятовага вучылішча, якое ў 1860 г. пераўтворана ў пяцікласную гімназію для дзяцей польскай шляхты. У 1938 г. касцёл зруйнаваны. Зараз кляштарны будынак — адзін з карпусоў станкабудаўнічага завода.

Кляштарны корпус — помнік архітэктуры позняга барока. Прамавугольны ў плане двухпавярховы будынак пад вальмавым дахам, франтальны фасад фланкіраваны рызалітамі, крапаванымі па вуглах пілястрамі, расчлянёны прамавугольнымі аконнымі праёмамі ў плоскіх ліштвах. Памяшканні першага паверха перакрыты цыліндрычнымі скляпеннямі на распалубках.

Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін;
фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Меню
Відэаканал GantsRegion
Уваход

Пошук
Катэгорыі раздзелу
Публікацыі [251]
Каталог файлаў [100]
Малая краязнаўчая энцыклапедыя [115]
Культура [163]
Адукацыя [20]
Спорт [871]
Здарэнні [211]
Грамадства [294]
Эканоміка [12]
Транспарт [90]
Блог [6]
Падарожнічаем разам [17]
Каляндар
«  Май 2020  »
ПанАўтСерЧацПятСубНяд
    123
45678910
11121314151617
18192021222324
25262728293031
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.