«МОГИЛЁВСКАЯ СТАРИНА» — зборнік дакументаў і артыкулаў па гісторыі, этнаграфіі і археалогіі Магілёўшчыны, перадрукаваных з неафіцыйнай часткі «Могилёвских губернских ведомостей» за 1898 — 1903 гг.

Выдадзены ў 3 выпусках (1900-03) пад рэд. Е.Р. Раманава. У «Могилёвской старине» змешчана Баркулабаўская хроніка, «Апісанне Крычаўскага графства або былога староства» А.Меера, дакументы і артыкулы па гісторыі Магілёва, Оршы, Быхава, Крычава і іншых населеных пунктаў, каштоўны этнаграфічны матэрыял (песні, казкі, прыказкі, павер’і, апісанні дзіцячых гульняў, лячэнне народнай медыцынай і інш.), артыкулы пра археалагічныя і нумізматычныя знаходкі, агляды архіўных фондаў па гісторыі Магілёўшчыны.