НАРБУТ Юстын (1773, каля
Гродна, паводле іншых крыніцаў Вільня — 1845) — гісторык. Скончыў
Віленскі ўніверсітэт. У час паўстання 1794 г. камандаваў палком. Жыў у в.Юрчышчы Лідскага павета.
Збіраў пісьмовыя крыніцы па гісторыі старажытнай Беларусі і Літвы. Пісаў на польскай мове. У «Кароткім нарысе першапачаткаў літоўскага народа» (Гродна, 1818) апісаў гісторыю Гродна,
Навагрудка, Полацка і інш., выкарыстоўваў матэрыялы з твораў
Яна Длугаша, Мадея з Мяхова, М.Стрыйкоўскага. Аўтар «Гісторыі ўнутранай літоўскага народа з часоў Яна Сабескага і Аўгуста ІІ» (тт. 1 — 2, Вільня, 1843). Вывучаў
міфалогію свайго краю.