ПАДГОРСКІ-АКОЛАЎ Леанард (крыпт. Эльпэ, Л. П.-А.; 21.12.1891 г., маёнтак Рым, Капыльскі раён — 04.01.1957 г.) — польскі паэт, літаратуразнаўца, перакладчык. У 1912 — 1914 гг. вучыўся ў Львоўскім універсітэце.

У Першую сусветную вайну служыў у рускай арміі ў Нясвіжы i Бабруйску. 3 1922 г. у Варшаве. 3 1955 г. дырэктар Музея імя А. Міцкевіча. Аўтар некалькіх паэтычных зборнікаў. У зборніку «Беларусь» (1924) звярнуўся да ўспамінаў маленства, даў малюнкі беларускіх краявідаў; на гэты зборнік напісаў рэцэнзію Цішка Гартны («Савецкая Беларусь», 1928, № 32). Беларусі прысвяціў таксама вершы «Туганавічы» (1929), «Тракт пад Нясвіжам» (1929), «Гасцінец» (1939). Аўтар даследаванняў «Чачот невядомы» (1936), «Міцкевічаўскія рэаліі» (т. 1, 1952, т. 2, 1956). На беларускую мову яго творы пераклаў Я. Семяжон.