Субота, 24.06.2017, 09:58

ДАНЮШАЎСКІ КАСЦЁЛ НАЙСВЯЦЕЙШАЙ ТРОЙЦЫ


ДАНЮШАЎСКІ КАСЦЁЛ НАЙСВЯЦЕЙШАЙ ТРОЙЦЫ размяшчаецца на правым беразе ракі Вілія ў цэнтры вёскі Данюшава Смаргонскага раёна Гродзенскай вобласці.


Пабудаваны ў 1809 г. з дрэва на месцы храма 1621 г., які належаў езуіцкай місіі. Абнесены мураванай агароджай з арачнай цаглянай брамай насупраць храма і нізкай чатырохграннай шатровай званіцай у вугле ўчастка. Перад храмам у 1915 г. пастаўлены помнік у гонар падзей Першай сусветнай вайны, у 1920-я гг. — скульптура Маці Божай на бутавым пастаменце. Помнік архітэктуры класіцызму з рысамі стылю рэтраготыкі. Прамавугольны ў плане будынак, накрыты двухсхільным дахам. Да асноўнага аб'ёму далучана вузейшая прамавугольная апсіда з бакавымі нізкімі сакрысціямі. Двухвежавы галоўны фасад вылучаны чатырохкалонным порцікам з франтонам, бакавыя рытмічна расчлянёны стральчатымі аконнымі праёмамі ў разных ліштвах і брусамі-сцяжкаміў прасценках.

Малітоўная зала перакрыта плоскай падшыўной столлю, больш вузкая і адкрытая шырокім арачным прасветам апсіда — корабавым драўляным скляпеннем. На левай сцяне навешаны амбон. Пры ўваходзе — хоры на чатырох слупах.

Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін;
фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.

Меню
Відэаканал GantsRegion
Уваход

Пошук
Катэгорыі раздзелу
Публікацыі [247]
Каталог файлаў [96]
Малая краязнаўчая энцыклапедыя [115]
Культура [135]
Адукацыя [12]
Спорт [418]
Здарэнні [106]
Грамадства [222]
Эканоміка [10]
Транспарт [65]
Блог [6]
Падарожнічаем разам [5]
Каляндар
«  Чэрвень 2017  »
ПанАўтСерЧацПятСубНяд
   1234
567891011
12131415161718
19202122232425
2627282930
Хто тут?
Анлайн усяго: 1
Гасцей: 1
Карыстальнікаў: 0

Статыстыка і партнёры
Каталог TUT.BY Яндекс цитирования Museum.by
Тэгi

Шаноўныя сябры!

Калі вы маеце нейкую інфармацыю пра гісторыю, культуру, этнаграфію Ганцаўшчыны і хацелі б яе змясціць у сеціве,
вы можаце звязацца з намі напісаўшы ў форму зваротнай сувязі.