ДЗЕРКАЎШЧЫНСКІ КАСЦЁЛ УНЕБАЎЗЯЦЦЯ НАЙСВЯЦЕЙШАЙ ДЗЕВЫ МАРЫІГалоўная »
ДЗЕРКАЎШЧЫНСКІ КАСЦЁЛ УНЕБАЎЗЯЦЦЯ НАЙСВЯЦЕЙШАЙ ДЗЕВЫ МАРЫІ размяшчаецца ў цэнтры вёскі Дзеркаўшчына Глыбоцкага раёна. Будаўніцтва было пачата 07.05.1822 г. з бутавага каменю. Пасля закрыцця ў 20 ст. вернуты парафіянам у 1989 г. Абнесены бутавай агароджай з двух’яруснай чатырохграннай мураванай званіцай пад шатровым дахам і арачнай брамай. У падмурак умураваны мемарыяльны камень з надпісам: «Лявон сын Казіміра Дамейка памёр 1845 года ліпеня 29 на 78 годзе жыцця».
![](/_si/16/s91520215.jpg) ![](/_si/16/s18218744.jpg)
Помнік архітэктуры позняга класіцызму. Прамавугольны ў плане аб'ём пад схільным дахам. Галоўны фасад вырашаны калонным порцікам з трохвугольным франтонам, завершаным спічастай сігнатуркай. На фоне паліхромнай бутавай муроўкі вылучаюцца атынкаваныя і пабеленыя элементы архітэктурнага дэкору: прафіляваны карніз і вуглавыя лапаткі, ліштвы лучковых і арачных аконных праёмаў, паўкруглых і круглых люкарнаў. У агульнай прасторы залы бакавыя сакрысціі вылучаюць апсіду, аб'яднаную агульнай плоскай бэлечнай столлю. Пры ўваходзе галерэя хораў на дзвух магутных калонах.
Крыніца: Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с.: іл.
|