НАВАГРУДСКАЯ КАФЛЯ — архітэктурна-дэкаратыўная кераміка 14 — 17 ст. з г.
Навагрудак Гродзенскай вобласці. У 14 ст. выраблялі кафлю з цыліндрычным тулавам і круглым вусцем, у 15 ст. — гаршковую з крыжападобным, сэрцападобным і трохвугольным вусцем, у 15— 16 ст. — невысокую гаршковую з прамавугольным вусцем і дном, аздобленым рэльефнымі кругамі.
Кафля 16 — 17 ст. мела прамавугольную вонкавую пласціну з рамкай па краі і румпу вышынёю 7 — 9 см.
Навагрудская кафля. Паліваная кафля з малюнкам дывановага тыпу. 17 ст.
Паводле прызначэння падзялялася на сценную,
карнізную, фрызавую, вуглавую, а таксама «каронкі» і «гарадкі», якімі завяршалі печы. У яе дэкоры былі пашыраны геаметрычныя (квадраты, ламаныя лініі), раслінныя (званочкі, валошкі, ружы, рамонкі), геральдычныя (
гербы і манаграмы ўладальнікаў) арнаменты, выявы анёлаў, грыфонаў і інш., на кафлі 17 ст. — «
дывановы»
арнамент са стылізаваным раслінным узорам.