ПАДЗАМЧА — прылеглы да замка ўчастак паселішча ў XIV — XVIII стст. Выконвала ролю дадатковага ўмацавання на шляху да галоўнай замкавай брамы. Звычайна яго абводзілі абарончым валам з навальнымі канструкцыямі розных тыпаў (гародні, паркан, тарасы) з уязной шмат'яруснай вежай, зрэдку — бастыённымі ўмацаваннямі (Мірскі замак). Вакол падзамча мог быць сухі ці вадзяны роў (Барысаўскі, Жлобінскі, Іказненскі, Дубровенскі ды іншыя замкі).

На падзамчы канцэнтраваліся гаспадарчыя і дапаможныя службы замка: свірны, стайні, вазоўні, лядоўні, пякарні, кузні, дамы, дзе жылі замкавыя слугі. Культурны пласт звычайна сінхронны з культурнымі адкладаннямі на замкавым дзядзінцы.