Помнік архітэктуры эклектыкі. Вырашаны крыжовым у плане
зрубам. Да фасада далучаны прыруб нартэкса, над вальмавым дахам якога чатырохгранная шатровая
званіца са спічастым шпілем. Прамавугольныя і розныя па вышыні і пакрыццях
апсіда і бакавыя сакрысціі знаходзяцца ў адзінай, ступеньчатай па сілуэце плоскасці
алтарнай сцяны. Тарцы крыжовага ў плане даху завершаны трохвугольнымі франтонамі, цыбулепадобнымі купаламі, прарэзаны круглымі люкарнамі. Гарызантальна ашаляваныя сцены прарублены адзінарнымі і здвоенымі арачнымі аконнымі праёмамі ў разных
ліштвах. Высокая цокальная частка аддзелена гарызантальнай цягай і вертыкальна ашалявана.
Унутры зала перакрыта стральчатым з адкрытым у шацёр скляпеннем, сцены пакрыты роспісам. Над нартэксам антрэсолі хораў.
