РУЖАНСКАЯ КАПЛІЦА СВЯТОГА КАЗІМІРА размяшчаецца на паўночнай ускраіне гарадскога пасёлка Ружаны Пружанскага раёна Брэсцкай вобласці, на могілках каля шашы на Слонім. Пабудавана ў 1792 годзе з цэглы паводле праекта архітэктара І.Г.Бекера і па фундацыі канцлера Вялікага Княства Літоўскага А.М.Сапегі. Была прыпісана да базыльянскага кляштара.

Помнік архітэктуры класіцызму. Вырашана кампактным прамавугольным у плане аб'ёмам пад двухсхільным дахам, які выходзіць на франтальны фасад трохвугольным франтонам чатырохкалоннага порціка дарычнага ордэра. Фасад пад ім расчлянёны прамавугольнымі ўваходным праёмам і флакіруючымі яго нішамі ў прафіляваных ліштвах. Атынкаваныя бакавыя фасады расчлянёны высокім і прамавугольнымі аконнымі праёмамі і пілястрамі ў прасценках, апяразаны прафіляваным карнізам на дэнтыкулах. У інтэр'еры ў канцы залы мураваны алтар ў выглядзе дарычнага порціка.